REZULTATET E PËRKOHSHME, KQZ VAZHDON PUBLIKIMIN E TË DHËNAVE TË GABUARA

Në Komisionin Qendror të Zgjedhjeve vazhdon numërimi i votave të Komisionit të Zonës së Administrimit Zgjedhor (KZAZ) nr. 39, që përfshin Laçin, në Qarkun e Lezhës, pas vendimit të komisionit të kësaj zone për sjelljen e kutive të votimit të 6 Qendrave të Votimit (QV) në këtë komision dhe numërimin e votave aty. Ky vendim erdhi si rezultat i kontestimit për vlefshmërinë e rezultatit të deklaruar nga komisionerët lokalë të KZAZ-së nr. 39, .
        Ndërkohë, vetë Komisioni Qendror i Zgjedhjeve vazhdon të publikojë një numër parregullsish në rezultatet e veta zyrtare paraprake, një pasqyrë jo e plotë e të cilave është si më poshtë:
        - në Qarkun e Durrësit, në QV 1430/1 të KZAZ nr. 8, 168 vota të Partisë Demokratike i janë regjistruar si rezultat elektoral Partisë Demokracia e Re Evropiane;
        - në Qarkun e Elbasanit, në QV 2303 të KZAZ nr. 12, 237 vota të Partisë Demokratike i janë regjistruar si rezultat elektoral Partisë Demokracia e Re Evropiane;
        - në Qarkun e Kukësit, në QV 0502 të KZAZ nr. 36, 75 vota të Partisë Demokratike i janë regjistruar si rezultat elektoral Partisë Demokracia e Re Evropiane;
        - në Qarkun e Lezhës, QV 0847 të KZAZ nr. 39, 250 vota të Partisë Demokratike i janë regjistruar si rezultat elektoral Partisë Demokracia e Re Evropiane;
        - në Qarkun e Lezhës, QV 0707 të KZAZ nr. 37, 150 vota të Partisë Demokratike i janë regjistruar si rezultat elektoral Partisë së të Drejtave të Mohuara e Re, ndërkohë që rezultati elektoral prej 2 votash i Partisë Demokracia e Re Evropiane i është regjistruar si rezultat elektoral Partisë Demokratike;
        - në Qarkun e Shkodrës, në QV 0280 të KZAZ nr. 40, 183 vota të Partisë Demokratike i janë regjistruar si rezultat elektoral Partisë Demokracia e Re Evropiane.
        Kjo është një pjesë e rezultateve të gabuara, të publikuara paraprakisht nga Komisioni Qendror i Zgjedhjeve, ndërkohë që vijon puna për llogaritjen e votave të 6 Qendrave të Votimit të Qarkut të Lezhës në këtë institucion.
/s.s./