SHBA - OBAMA PREMTON NJË PAKETË TË FORTË RREGULLATORE FINANCIARE

Presidenti i zgjedhur amerikan, Barack Obama deklaroi sot se një paketë e fortë rregullatore për finacat, do të jetë pjesë e paketës së masave për rimëkëmbjen ekonomike, që administrata e tij do të përpilojë dhe zbatojë vitin e ardhshëm.
"Pjesë qëndrore e një pakete masash për rëmëkëmbjen ekonomike që do të përpilojë dhe vërë në zbatim administrata ime, do të jetë një paketë e fortë rregullatore për financat që bankat, sektori i tatimeve, subjektet e hipotekave dhe i gjithë sektori financiar do të vërë në zbatim, për të patur më tepër transparencë dhe prgjegjshmëri në funksionin e tyre përkatës", deklaroi Obama për rrjetin televiziv NBC.