SHTËPIA E BARDHË PËRSHËNDET GJESTET POZITIVE TË PAKISTANIT

 Shtëpia e Bardhë përshëndeti sot disa gjeste "pozitive" nga ana e Pakistanit në luftën kundër ekstremistëve në territorin e tij, pas atentateve të Bombeit, por rikonfirmoi nevojën që Islamabadi të bashkëpunojë me Indinë dhe SHBA-në. 
"Mendoj se nuk përbën asnjë dyshim se Pakistani ka marrë masa pozitive", tha para shtypit zëdhënësja e Shtëpisë së Bardhë, Dana Perino pas njoftimit  në Pakistan të arrestimit të dielën dhe të hënën të 16 personave të lidhur pak a shumë me Lashkar-e-Taïba (LeT), njëri prej të cilëve shefi i tyre ushtarak. 
Lashkar-e-Taïba është grupi islamik që është i dyshuari nr.1 në atentatet e fundit që shkaktuan 172 të vdekur në Bombei, Indi.