RUMANIA RREZIKON SHKURTIMIN E 40 000 VENDESH PUNE NË SEKTORIN E TEKSTILEVE NË 2009-n

Më shumë se 40.000 nëpunës të industrisë tekstile në Rumani, ose afërsisht 20 për qind e numrit të përgjithshëm rrezikojnë të pushohen nga puna në 2009-n, për arsye të pasojave të krizës ekonomike, paralajmëroi sot presidentja e federatës së pronarëve të industrisë tekstile, Maria Grappini.
"Vlerësimet tona më optimiste tregojnë se vitin e ardhshëm  prodhimi do të ulet me 15-20%, për shkak të rënies së kërkesës  në tregun ndërkombëtar të prekur nga situata aktuale financiare", deklaroi Grappini gjatë një konference shtypi. 
Afro 60% e prodhimit tekstil rumun ishte bazuar në 2007 në nënkontratat me grupe të mëdha evropiane.