GJERMANI - MANIFESTIM NË BERLIN KUNDËR VDEKJES SË NJË TË RIU NË GREQI

Qindra persona manifestuan dje në mbrëmje në Berlin kundër vdekjes së një adoleshenti në Athinë që u bë shkaku i valës së dhunës antipolicore në Greqi, njofton policia.
Ishin 1 500 persona, 150 prej të cilëve grekë, që marshuan në rrugët e lagjes popullore Kreuzberg, në jug të kryeqytetit, njoftojnë organizatorët, ndërsa sipas policisë ishin 500 manifestues. Sipas forcave të sigurisë, protesta u zhvillua pa përleshje.
Disa përleshje të vogla kanë ndodhur gjatë natës së enjte duke u gdhirë dita e premte në Frankfurt, pas një manifestimi proteste për të njëjtin shkak.
Greqia po përballet që prej një jave me një valë përleshjesh mes të rinjve dhe policëve, pas vdekjes së adoleshentit 15-vjeçar, Aleksis Grigoropulos, i vrarë nga një polic. Dëme të shumta janë shkaktuar në disa qytete të mëdha të vendit