SHBA - TËRMET ME INTENSITET 4-5 BALLË NË VERI TË KALIFORNISË

Një tërmet me intensitet prej 4,5 ballësh tronditi sot veriun e Kalifornisë në perëndim të SHBA-së, njoftoi Instituti Kombëtar i Gjeofizikës amerikane (USGS) me rishikim në rënie të vlerësimit të mëparshëm të tërmetit prej 5 ballësh. 
Epiqendra e tërmetit, që u regjistrua në orën 04:19 ishte rreth tre kilometra në verilindje të qytetit të vogël East Quincy  dhe 163 km në verilindje të kryeqytetit të Shtetit, Sakramento, sipas institutit. 
Nuk u shënua asnjë viktimë apo dëme materiale. 
Për të matur fuqinë e një tërmeti, USGS përdor "intensitetin e momentit" (Mw), që lidhet direkt me parametrat e tërmetit.  Sipas kësaj shkalle të hapur, një tërmet që arrin intensitetin prej të paktën 6 ballësh konsiderohet i fortë.