RUMANI: ËMBËLSIRË GJIGANDE PREJ 281 KILOGRAMËSH PËR NJË REKORD TË RI

Bukureshti ka vendosur një rekord të ri botëror sot pas përgatitjes së një ëmbëlsire gjigande që peshon 281 kilogramë, të zbukuruar me krem dhe fruta, të realizuar në kuadër të festave të dimrit. 
Qindra banorë të Bukureshtit, ndër të cilët shumë fëmijë, shkuan në qendër të qytetit  për të parë këtë rekord të ëmbël, të mbuluar me krem, mbi të cilin  ishte vizatur flamuri rumun, ai i Bashkimit Evropian dhe pranë të cilëve ishte shkruar "Gëzuar Vitin e Ri 2009!". 
Pas peshimit që iu bë nga një përfaqësues i Librit Gines të rekordeve, që i dorëzoi një diplomë kryetarit të bashkisë Sorin Oprescu për të çertifikuar rekordin, pjesëmarrësit patën rastin të provonin ëmbëlsirën të shoqëruar nga muzika tradicionale e festave të dimrit. 
Kjo ngjarje ndodh kur Bukureshti ka shënuar edhe dy rekorde të tjera kohët e fundit, njërin vitin e shkuar me 3.939 Babagjyshë të Vitit të Ri, që marshuan duke shpërndarë dhurata për fëmijët, dhe një tjetër të shtunën me një salsiçe të tymosur 392 metra të gjatë