GAZA - BLAIR I KËRKON SHBA-së TË MBËSHTESË PLANIN EGJIPTIAN

Përfaqësuesi i katërshes për Lindjen e Mesme, Tony Blair i kërkoi sot SHBA-së të mbështesë planin e paraqitur nga Egjipti për një armëpushim në Rripin e Gazës, ku si pasojë kanë humbur jetën 700 persona.
''Shpresoj se do të arrihet një marrëveshje për ndërprerjen e luftimeve'', deklaroi ish-kryeministri britanik, Tony Blair.
''Tashmë është e rëndësishme për SHBA-në, për Këshillin e Sigurimit të OKB-së dhe gjithashtu për të gjithë botën të bëhet çdo gjë për arritjen e kësaj marrëveshjeje'', nënvizoi Blair.
''Është e mundur të arrihet një marrëveshje që bazohet në tre elemente si armëpushimi nga Izraeli dhe Hamasi, mbyllja e tuneleve mes Gazës dhe Egjiptit dhe hapja e pikave kufitare për furnizimin me ndihma të popullsisë së Gazës'', theksoi ai.
SHBA-ja deklaroi dje se do të mbështesë iniciativën e Egjiptit dhe Francës për një armëpushim në Rripin e Gazës.
Ky plan parashikon një armëpushim të menjëhershëm për një periudhë të caktuar me qëllim që të lejohet hapja e korridorit humanitar dhe vazhdimi i përpjekjeve egjiptiane për një armëpushim të përhershëm dhe rregullimin e kufijve në Rripin e Gazës para rihapjes së tyre. 
Izraeli njoftoi për dërgimin e përfaqësuesve në Kajro për të zhvilluar bisedime për mundësinë e një armëpushimi të ndërmarrë nga presidenti egjiptian, Hosni Moubarak në bashkëpunim me homologun francez, Nicolas Sarkozy