RRETH 60 MEDIA DHE RSF-JA I BËJNË THIRRJE IZRAELIT TË LEJOJË HYRJEN E GAZETARËVE TË HUAJ NË GAZA

Rreth 60 media ndërkombëtare me iniciativën e organizatës "Gazetarët pa kufij" bënë një thirrje për t'u kërkuar autoriteteve izraelite rihapjen e Rripit të Gazës për shtypin, njoftoi sot organizata për mbrojtjen e lirisë së shtypit.
"Përballë shtrirjes së operacioneve ushtarake, si dhe pasojave që po shkaktojnë në të gjithë botën, mbyllja e Rripit të Gazës për shtypin nga autoritetet izraelite na duket e papranueshme dhe e rrezikshme", bëhet e ditur në thirrje.
"Ekziston vetëm një zgjidhje: hyrja në Rripin e Gazës, sa më shpejt që të jetë e mundur dhe duke marrë masat e nevojshme të sigurisë, profesionistë të informacionit të dërguar në vend", vazhdojnë ata.
Thirrja është nënshkruar veçanërisht nga Der Spiegel (Gjermani), Stern (Gjermani), El Mundo (Spanjë), El Pais (Spanjë), ABC News (SHBA), CBS News (SHBA), Le Figaro (Francë), Le Nouvel Observateur (France), RTL (Francë), Al Xhazira (Katar), Sky News (Mbretëri e Bashkuar), The Guardian (Mbretëri e Bashkuar, Le Temps (Zvicër)...
Gjykata e Lartë izraelite ka dhënë së fundi një vendim që e ndalon qeverinë të autorizojë hyrjen e korrespondentëve të huaj në Rripin e Gazës. Vetëm, tetë prej tyre janë zgjedhur për këtë qëllim që nga fillimi i luftës më 27 dhjetor