KOMANDANTI I NATO-s PËR EUROPËN OPTIMIST PËR MARRËDHËNIET ME RUSINË

Komandanti i lartë operacional i NATO-s tha sot se ishte optimist se marrëdhëniet ushtarake me Moskën do të fillojnë së shpejti të ngrohen pas bllokimit prej muajsh, për shkak të konfliktit të Rusisë me Gjeogjinë.
Komandanti  i lartë për Europën, John Craddock tha se dëshiron të rifillojë manovrat, shkëmbimet dhe bashkëpunime të tjera që u ndërprenë gjatë konfliktit ndërkombëtar mes Rusisë dhe Perëndimit pas pushtimit të Gjeorgjisë nga Rusia në muajin gusht.
"Është e rëndësishme që ne të vazhdojmë bashkëpunimin", tha Craddock, një gjeneral amerikan, i cili komandon gjithashtu forcat amerikane në Europë.
"Ne mund të shohim një ngrirje në këto marrëdhënie", u tha Craddock gazetarëve në Uashington. "Dhe më pas mund të rifillojmë të gjitha marrëdhëniet që kemi pasur më parë", tha ai .
Craddock tha se kishte  propozuar manovra të nivelit të ulët mes flotës amerikane dhe ruse në Detin e Mesdheut. Por deri tani nuk kishte ndonjë përgjigje nga pala ruse.