MITROVICA FESTON NJËVJETORIN E PAVARËSISË ME ARTISTË NGA SHQIPËRIA

Aktivitete të shumta kulturore dhe sportive janë zhvilluar sot në Mitrovicë me rastin e përvjetorit të shpalljes së pavarësisë së Kosovës. 
Në festë kanë qenë të pranishme grupe të ndryshme kulturore dhe artistike nga Shqipëria, ku veçohej grupi i Vlorës dhe ai çam.

Në koncertin që u zhvillua në pallatin e sportit “Minatori”, përveç grupeve artistike nga të gjitha trevat shqiptare, morën pjesë edhe grupe të artistëve të komunitetit boshnjak dhe turk që jetojnë në Mitrovicë.
''Momente si këto janë të rralla në jetën e njeriut. Është shumë më tepër se ndjenjë gëzimi dhe kënaqësie që jemi këtu bashkë dhe festojmë përvjetorin e një ngjarjeje për të cilën sakrifikuan me breza të tërë'', tha kryetari i komunës së Mitrovicës, Bajram Rexhepi.
Në festimet në këtë qytet verior të Kosovës ishin të pranishëm edhe personalitete të njohura si stërnipi i Ismail Qemalit, i ardhur nga Italia, Nedin Vlora, Ferhat Dinosha, një nga liderët shqiptarë në Malin e Zi, kryetari i komunës së Strugës nga Republika e Maqedonisë, Ramiz Merko si dhe ministrat kosovarë Zenun Pajaziti e Sadri Ferati