ITALI - GJENDET NJË AUTOPORTRET I DA VINÇIT

Në fshatin Açerenca, në jug të Italisë, është gjetur një vizatim që mund të jetë autoportret i Leonardo da Vinçit, njoftoi sot faqja elektronike e gazetës ''The Times''.
Në vizatim shfaqet një burrë me hundë shqiponje, sy të kaltër dhe mjekër të gjatë e të bardhë, i cili mban në kokë një kapele me pendë.
Pëlhurën rastësisht e ka gjetur historiani i artit të Mesjetës, Nikola Barbateli, ndërkohë që studjonte arkivën e një familjeje të pasur italiane.
Ekspertët së pari kanë konsideruar se burri në fotografi është astronomi i madh italian Galileo Galilei, megjithatë Barbateli i ka kundërshtuar pasi pëlhurën e ka krahasuar me portretin e Leonardo da Vinçit.
"Qëndrimi, stili dhe teknika përkojnë shumë në portretin e Leonardos që ndodhet
 në galerinë Ufici në Firencë", thotë Barbateli.
Ekspertët thonë se bëhet fjalë për një portret origjinal nga koha e Rilindjes dhe jo një kopje.      
Ekzistojnë të gjitha mundësitë që të jetë një autoportret artistik për shkak se në anën e pasme të vizatimit ndodhet fjalia në latinisht "Pinhit Mea" (këtë e kam pikturuar unë - shën. përkth.), zakon ky për piktorin dhe shpikësin e madh.
Nëse hipoteza del e vërtetë, atëhere ky do të jetë autoportreti i dytë autentik i gjeniut italian, i identifikuar nga ana e ekspertëve. 
I pari ndodhet në bibliotekën mbretërore në Torino.