VAZHDON DITA E DYTË E GREVËS SË INVALIDËVE DHE TETRAPLEGJIKËVE

- Vazhdon sot dita e dytë e grevës së invalidëve dhe tetraplegjikëve në Tiranë, të cilët kërkojnë rritjen e pagesës së paaftësisë dhe kushte më të mira jetese.
Ministia e Punës, Çështjeve Sociale dhe Shanseve të Barabarta, ka ngritur një grup të posaçëm pune për të shqyrtuar kërkesat e kësaj kategorie në nëvojë, njoftuan sot burime të kësaj ministrie.

Kjo kategori, përmes grevës së nisur ditën e djeshme i kërkon Qeverisë dhe institucioneve të tjera përgjegjëse, realizimin e katër kërkesave të tyre jetike, të cilat kanë të bëjnë me rritjen e pagesës për paketën higjieno-sanitare, rritja e sasisë së karburantit që ata duhet të përfitojnë si dhe siguracione dhe pagë më të lartë për kujdestarët, personat që kujdesen për ta.

Drejtori i Përgjithshëm i Politikave i kësaj ministrie, Gjergji Leka, i cili ka zhvilluar dje një takim me përfaqësuesit e grevës së së invalidëve dhe tetraplegjikëve, tha sot për ATSH-në se ‘pasi u njohëm nga afër me kërkesat e tyre, Ministria e Punës është duke i shqyrtuar ato përmes një grupi pune”.

Leka tregoi se invalidët dhe tetraplegjikët, kërkojnë që paketa higjeno- sanitare të ketë një vlerë prej 30 mijë lekësh, nga 12 mijë lekë që është aktualisht, rritje të pagesave për karburantin, nga 7 mijë lekë në muaj, në 8 mijë lekë si dhe  kërkojnë ndryshime të pagës edhe për kujdestarët.

Në vendin tonë numërohen rreth 2500 paraplegjikë dhe tetraplegjikë