PS: PROÇESI I PAJISJES ME LETËRNJOFTIME, NË FAZË KRITIKE

Partia Socialiste gjykon se “proçesi i pajisjes së qytetarëve me letërnjoftimet elektronike ka hyrë në fazën më kritike, duke kërcënuar në mënyrë të drejtëpërdrejtë zgjedhjet e lira në vend".

Nënsekretari për Çështjet Ligjore në PS, Damian Gjiknuri, tha sot gjatë një konference për shtyp, se "problemet me shtrirjen e sistemit dhe mungesa e masave organizative për ecurinë normale të këtij proçesi, po ndikojnë në mënyrë thelbësore në dështimin e objektivit për pajisjen e qytetarëve me letërnjoftime”.

Ndërsa, Sekretari Politik i Partisë Demokracia Sociale (PDS), Artur Duçkallari, gjatë një konference për shtyp,  i kërkoi qeverisë "të rishikojë skemën kompensuese si dhe të krijojë lehtësi të mëtejshme për të shmangur që qoftë edhe një zgjedhës i vetëm ta humbasë të drejtën e votimit për shkak të mospajisjes me letërnjoftim"