IRAK - GJYKATA UL DËNIMIN PËR GAZETARIN QË U PËRPOQ TË GODISTE ME KËPUCË ISH-PRESIDENTIN BUSH

Gjykata e Apelit vendosi uljen e dënimit nga tre në një vit burg për gazetarin irakian Muntazer al-Zaidi, i cili u përpoq të godiste ish-presidentin amerikan George W. Bush gjatë vizitës së këtij të fundit në Irak, bëri të ditur sot avokati i tij.
"Gjykata e Apelit vendosi uljen e dënimit nga tre në një vit burg për Zaidin'', deklaroi avokati i tij kryesor, Dhiya al-Saadi.
"Ulja e dënimit u bë për disa arsye, si mosha e tij e re dhe fakti që nuk kishte kryer krime më parë'', shtoi Saadi.
"Ai ka pasur një sjellje të mirë në burg, dhe për këtë Gjykata e Apelit vendosi uljen e dënimit'', theksoi avokati.