SHQIPËRI-KOSOVË: DISKUTOHET RRITJA E BASHKËPUNIMIT NË FUSHEN E BUJQESISE

Ministri i Bujqësisë, Ushqimit dhe Mbrojtjes së Konsumatorit, Jemin Gjana, në krye të një delegacioni nga Shqipëria, zhvilloi ditët e fundit një vizitë zyrtare në Republikën e Kosovës, ku u takua me homologun kosovar Idriz Vehapi, me të cilin diskutoi për rritjen e bashkëpunimit në sistemin bujqësisë mes të dy vendeve.
Sipas njoftimit për shtyp nga MBUMK, gjatë këtij takimi të dy ministrat vunë theksin në zhvillimin e mëtejshëm  të bashkëpunimit midis dy institucioneve dhe veçanërisht në sektorin e blegtorisë dhe të bujqësisë, të legjislacionit bujqësor. 
Ministri Gjana, gjatë këtij takimi vuri theksin në nxitjen e faktorit politik për të mbështetur zhvillimin e bujqësisë si sektorë prioritarë për ekonomitë e Shqipërisë dhe Kosovës. Gjithashtu, është shprehur Gjana, prodhimet bujqësore  shqiptare, duhet të rrisin prezenzën e tyre në tregjet rajonale. Rruga e re Durrës-Kukës, tha ai do ti japë një zhvillim të ri marrëdhënieve midis dy vendeve. 
Një vend të rëndësishëm gjatë vizitës së delegacionit shqiptar në Kosovë, zuri dhe takimi me Presidentin e Republikës së Kosovës, Fatmir Sejdiu, i cili  vlerësoi si shumë të dobishme dhe interesante përvojën e Ministrisë së Bujqësisë Shqiptare në këtë fushë, bëri të ditur MBUMK