PËR HERË TË PARË LIGJ "PËR KOOPERATIVAT BUJQËSORE PRIVATE"

 Për herë të parë brenda këtij viti, Shqipëria do të ketë ligjin "Për koopertaivat bujqësore private", në përputhje të plotë me direktivat e BE-së në këtë fushë.
Enver Ferizaj, president i Këshillit të Agrobiznesit Shqiptar, (KASH) u shpreh sot gjatë një takimi kombëtar me fermerë nga rrethe të ndryshme të vendit, se në zbatim të një prej detyrimeve që rrjedhin nga zbatimi i MSA-së, në Ministrinë e Bujqësisë, Ushqimit dhe Mbrojtjes së Konsumatorit, një grup pune po punon për hartimin e projektligjit të ri, i cili më pas do të miratohet në Qeveri dhe në Kuvend.
"Ligji "Për kooperativat bujqësore private " do të synojë  bashkimin me dëshirë të tokave të fermerëve, deri në 1000 hektarë tokë, si një shembull që duhet të paraprijë erën e re në kooperativizimin e bujqësisë"-tha Ferizaj. Sipas tij, sot ka disa shoqata fermere në Divjakë, e Kavajë që ka 50 familje, të cilët kanë bashkuar 150 ha tokë e prodhojnë perime për treg dhe eksport. Kjo theksoi ai, është një eksperiencë e cila do të mbështete me ligj, duke krijuar kështu kooperativat private sipas standardeve bujqësore evropiane në zonat më të njohura të prodhimit bujqësor apo blegtoral në vendin tonë.
Ky ligj u shpreh Ferizaj, pason Ligjin "Për Bujqësinë Shqiptare" i cili u miratua nga Kuvendi i Shqipërisë vitin e kaluar si dhe Dokumentin për Zhvillimin Rural në vendin tonë, të cilat, vlerësoi ai janë bazat mbi të cilat do të mbështetet zhvillimi rural dhe bujqësor vendas