KORÇË: LEHTESIRA NË KUFI, FLUKS I MADH EMIGRANTËSH

" Po ikim por nuk e dimë nëse do të vijmë më në raste festash të rëndësishme të vitit apo në periudhën  e verës". Kjo shprehje e  emigrantëve në kufi,  e thënë  në hyrje apo në dalje të territorit shqiptar nga lodhja e pritja në doganë, nuk dëgjohet më  prej gojës së tyre.
" Kam ardhur shpesh këto tre vitet e fundit dhe tani rikthehem në vendlindje sërish për festën e Pashkës ortodokse",- thotë një emigrant nga Elbasani që sapo ka mbëritur në doganë e Kapshticës.
Asnjë ankesë nuk ka  përsa i përket qëndrimit në doganë dhe kryerjes së procedurave të kalimit kufitar si nga pala greke edhe ajo shqiptare. 
Të tjerë emigrantë, vetëm sa shpejtojnë që të mbërijnë sa më  parë në familjet e tyre, të çmallen e të qëndrojnë për disa ditë pranë të afërmve. Numri në rritje i emigrantëve që rikthehen përkohësisht në atdhe për pushime në raste festash, është një dëshmi e lehtësirave të qarkullimit ndërkufitar midis dy vendeve. 
Dritan Sheme, komandant i policisë kufitare në Kapshticë, thotë se që nga fillimi i muajit Prill, kanë hyrë në drejtim të Shqipërisë mbi 66 mijë persona. Vitin e kaluar, në të njëjtën periudhë të festës së Pashkës, janë regjistruar afro 50 mijë emigrantë të ardhur nga Greqia. "Interesi për të vizituar vendlindjen ka ardhur në rritje, dhe emigrantët e shfrytëzojnë këtë në raste festash apo fund viti kur pala greke i lehtëson për hyrjen në Shqipëri dhe kthimin sërish pranë vendeve të punës",- thotë Dritan Sheme.
Edhe në kthim për në vendin fqinj, emigrantët nuk janë përballur me qëndrime të lodhëshme të procedurave të kalimit të kufirit. Ndërsa nga toka greke vërshon si në rastin e festës së Pashkës një numur i madh emigrantësh, edhe në drejtim të shtetit fqinj  udhëtojnë shteas shqiptarë që preferojnë të kalojnë përtej kufirit festën fetare.
Sipas të dhënave të policisë kufitare në Kapshticë, mbi një mijë udhëtarë në ditë kanë  hyrë gjatë javës së fundit për në Greqi, për të  kaluar atje festën e Pashkës. Asnjë pengesë, zvarritje apo bllokim në të dy anët e doganës së Kapshticës nuk ka patur për këta shtetas shqiptarë që kanë zgjedhur të udhëtojnë në këto ditë fluksi të qarkullimit ndërkufitar për në Greqi.Festës që qytetit të Korçës  me rastin e Pashkës, i bashkohen mijra emigrantë të cilët gëzojnë me të afërmit, miqtë, pa frikën se i pret mundimi i qarkullimit në kufi