MEKSIKË - ARRIN NË TË PAKTËN 159 NUMRI I TË VDEKURVE NGA GRIPI I DERRAVE

Numri i të vdekurve nga epidemia e një lloji të ri të gripit të derrave në Meksikë ka arritur në më shumë se 159 persona, deklaroi sot ministri i Shëndetësisë, Jose Angel Cordova.
Cordova bëri të ditur gjithashtu në një konferencë shtypi se më shumë se 1 300 persona janë shtruar në spitale, ndërkohë që numri i atyre që dyshohen si të infektuar me virusin vdekjeprurës është më i lartë se 2 500 persona.