BRAZIL - PËRMBYTJET SHKAKTOJNË 44 TË VDEKUR, MË SHUMË SE 180 000 TË SHPËRNGULUR

Shirat e rrëmbyeshëm që po bien që prej fillimit të prillit në rajonet në veri dhe verilindje të Brazilit kanë shkaktuar të paktën 44 të vdekur, ndërkohë që më shumë se 180 000 persona janë detyruar të braktisin shtëpitë e tyre, njoftoi sot Mbrojtja Civile.
Shumë të vdekur janë regjistruar në tetë nga 11 shtete të Brazilit më të prekurat nga shirat: Ceara (12), Maranhao (9), Paraiba (2), Pernhambouc (1), Bahia (7) dhe Alagoas (4) në verilindje të vendit, Amazona (8) në veri dhe Santa Katarina (1) në jug.
Një bilanc i mëparshëm i qeverisë jepte shifrën një miliardë realë (rreth 500 milionë dollarë) për dëmet e shkaktuara nga shirat në verilindje të vendit