KUZHE SHPALL LISTËN LOJTARËVE PËR DY TAKIMET E RADHËS

Trajneri i ekipit Kombëtar Josip Kuzhe bëri sot publike listën e lojtarëve të grumbulluar për ndeshjet me Portugalinë në 6 qershor dhe me Gjeorgjinë në 10 qershor.

     Të dy takimet do të luhen në “Qemal Stafa”, por ndërsa ndeshja e parë është e vlefshme për elminatoret e kampionatit botëror “Afrika e Jugut 2010”, ndeshja e dytë do të jetë një takim miqësor mes dy vendeve.
     Shefi i Marrdhënieve me Publikun në Federatën  Shqiptare të Futbollit, Tritan Kokona, i bëri të njohur mediave përbërjen e stafit të Ekipit Kombëtar dhe të lojtarëve të grumbulluar nga trajneri Kuzhe për këto dy ndeshje.
     Sipas Kokonës: “Zv/trajneri Kombëtares Shqiptare është caktuar njeriu i besuar i Kuzhesë, kroati Dzemal Mustedanagiç, ndërkohë Ilir Bozhiqi do të kryejë rolin e trajnerit të portierëve”.

Në listën e përzgjedhur nga Kuzhe janë 27 emra futbollistësh, të cilët pritet të reduktohen në 23 në ditët në vazhdim. 
     Kuzhe ka afruar në kombëtare të rinjtë Emiliano Vila nga Teuta, Jetmir Sefa dhe Gjergji Muzaka nga Tirana, të cilët bënë një prezantim mjaft të mirë në ndeshjen miqësore ndaj Milanit. Ndërkohë me Kombëtaren janë rikthyer sulmuesi shtatlartë i Kievos në Itali, Erjon Bogdani, sulmuesi i Karlsruhes në Gjermani, Edmond Kapllani si dhe mefushori i Maincit në Gjermani, Jahmir Hyka. Një emër i ri në Kombëtare është edhe ai i portierit të ri të Iraklisit në Greqi, Enea Kolici.   

- Lista e lojtarëve të grumbulluar nga trajneri Josip Kuzhe për ndeshjet me Portugalinë dhe Gjeorgjinë:

Isli Hidi                   Kryvbas Krig

Samir Ujkani           Palermo

Enea Kolici             Iraklis

Debatik Curri          Vorskla Poltava

Armend Dallku        Vorskla Poltava

Kristi Vangjeli          Aris Selanik

Andi Lila                  Tirana

Elvin Beqiri              Vllaznia

Ansi Agolli               Tirana

Endrit Vrapi             Elbasani

Admir Teli                Karabakh

Lorik Cana              O. Marseje

Ervin Skela              Energie Cottbus  

Ervin Bulku              Kryvbas Krig

Gilman Lika             Hacetepe

Dorian Bylykbashi   Kryvbas Krig

Jahmir Hyka            Mainz

Klodian Duro          AC Omonia

Elis Bakaj                Dinamo

Gjergj Muzaka         Tirana

Emilian Vila              Teuta

Jetmir Sefa               Tirana

Hamdi Salihi             SV Ried

Erjon Bogdani          Chievo Verona

Edmond Kapllani      Karlsruhe

Besart Berisha          AC Horsens

Migen Memelli          Tirana.