GREQI - ZBULOHEN PESË RASTE TË REJA ME GRIPIN E DERRAVE

Pesë raste të reja me gripin e derrave janë regjistruar në Greqi që prej të enjtes, duke e çuar në 12 numrin e rasteve të njoftuara që prej 18 majit, njoftoi sot Ministria e Shëndetësisë.  
''Pacientët e rinj, të mbërritur së fundi nga Amerika e Veriut, janë në gjendje shëndetësore që nuk përbën shqetësim, ndërsa disa prej tyre  janë mjekuar në shtëpi'', saktësoi ministria. 
Bëhet fjalë pre tre turistë, një italiane 33 vjeç edhe dy amerikanë 18 dhe 46 vjeç të ardhur nga Kansasi, një adoleshente greko-amerikane 15 vjeçe e ardhur nga Uashingtoni dhe një kanadeze, 37 vjeçe. 
Të gjithë pacientët e trajtuar deri tani janë infektuar jashtë vendit dhe nuk ka asnjë rast ngjitës brenda vendit, sipas ministrisë.  Rasti i parë i gripit A (H1N1) ishte njoftuar më 18 maj dhe ishte një grek 19 vjeç që sapo ishte kthyer nga SHBA ku studionte.
OBSH shpalli dje nivelin 6 të gatishmërisë maksimale për këtë grip, që tashmë konsiderohet si një pandemi botërore, e para e shekullit XXI.