SPORT-FUTBOLL/ PËRFUNDON AVENTURA EVROPIANE PËR SKUADRAT SHQIPTARE

Ka përfunduar aventura e skuadrave shqiptare në arenën evropiane, që edhe këtë sezon ka qenë thjesht një iluzion. Pas Tiranës dhe Dinamos, janë eleminuar edhe dy skuadrat që garonin në turin e dytë të Ligës Evropiane, Vllaznia dhe Flamurtari, madje me rezultate shumë të thella.
Shkodranët janë mundur mbrëmë edhe në ndeshjen e dytë nga austriakët e Rapidit të Vjenës, këtë herë 3-0 në “Loro Boriçi”, me rezultatin e përgjithshëm 8-0.
Për Vllazninë kjo ndeshje ishte vetëm një test për trajnerin Hasan Lika i cili ka provuar lojtarë të rinj dhe skema të reja, para fillimit të Superligës. Golat për skuadrën austriake u shënuan në pjesën e dytë nga Hofman dhe Lavare.
Ka zhgënjyer edhe Flamurtari, skuadra e vetme tek e cila shqiptarët kishin shpresa. Vlonjatët që një javë më parë fituan 1-0 dhe shpresonin se do të kualifikoheshin për në turin e tretë të ligës Evropiane, por janë mundur  8-1 në Skoci nga Madhëruelli. Golin e vetëm për skuadrën e drejtuar nga Eqerem Memushi e ka realizuar mesfushori Odise Roshi.