LIBERALIZIMI I VIZAVE SHQIPËRI-BE, GJATË VITIT TË PARË TË MANDATIT TË DYTË

- Sipas Kryeministrit Berisha-  

Kryeministri i Sali Berisha ka siguruar dhe një herë se “liberalizimi i vizave Shqipëri-BE do të realizohet gjatë vitit të parë të mandatit të dytë qeverisës”.

Gjatë intervistës për radion “Europa e Lirë”, Berisha u shpreh se Shqipëria po punon për të përmbyllur shpejt procesin e pajisjes së shtetasve me pasaporta biometrike dhe disa detyra të tjera të lëna nga grupi i ekspertëve të Komisionit Evropian, që erdhi dhe preku në vend gjithçka. "Pas plotësimit të tyre, kam siguri të plotë se do të vendoset për liberalizimin e vizave edhe për Shqipërinë dhe kjo do të ndodh gjatë vitit të parë të mandatit të dytë”, tha Kryeministri.
Personalisht, këtë proçes e shoh deri tani të ecë sipas parashikimeve”, tha Kreu i Qeverisë.