Berisha viziton bazën operacionale për shpërndarjen e ndihmave në Gjadër,dhe falenderon ushtarakët për punën e bërë.

Kryeministri Berisha i cili shkoi sot në Shkodër, ku u organizua mbledhja e qeverisë, u ndal në bazën ushtarake të Gjadrit,ku është vendosur dhe baza operacionale për shpërndarjen e ndihmave, për të përshëndetur dhe falënderuar personalisht ushtarët dhe oficerët, si dhe të gjithë ata që gjatë gjithë kësaj kohe, po merren me sistemimin dhe shpërndarjen e ndihmave për zonat e përmbytura, si dhe për të falënderuar të gjithë ata përfaqësues të biznesit, të cilët kanë kontribuar ndjeshëm, duke ofruar ndihmën e tyre konkrete për familjet e zonave të përmbytura. Gjithashtu nga baza ushtarake e Gjadrit, Kryeministri Berisha falenderoi edhe për solidaritetit e jashtëzakonshëm që është treguar ndaj qytetit të Shkodrës, në këto ditë të vështira.