Shkëlzen Berisha: Gazeta e Kokdhimës shpif. Nuk jam takuar me Damir Fazlliç

Shkëlzen Berisha djali i kryeministrit  bëri dje një njoftim për shtyp,  ku  deklaron se:

Në kryeartikullin e saj të datës 14 Janar 2010 gazeta Shekulli, botoi gënjeshtrën e radhës ku dizinformohej opinioni mbi një takim timin me z. Damir Fazlliç të zhvilluar në dt 4 Janar dhe të fiksuar në kamerat e sigurisë të një restoranti në Tiranë, e ku tema e takimit ka pasur lidhje me shitjen e energjisë!
"Duke mos dashur t’ju humbas asnjë sekondë, thuhet më tej në deklaratë, mbi arësyet politike dhe financiare që shtyjnë z.Koço Kokëdhima për të botuar shpifjen e radhës ndaj personit tim, deshiroj t’i bëj me dije opinionit se unë nuk kam diskutuar kurrë, asnjëherë dhe me askënd çështje të shit - blerjes së energjisë elektrike! 
Për më tepër takimi i supozuar midis meje dhe z.Fazlliç në dt 4 Janar është gjithashtu, fund e krye, një trillim i ulët i artikullshkruesit!
Në pamundësi për të hedhur në gjyq gazetën në fjalë, në respekt të një angazhimi familjar për të mos ngritur padi penale e civile kundër medias, e ftoj z.Kokëdhima apo këdo tjetër që të provojë shpifjet në fjalë ose të kërkojë falje publike për mashtrimin e radhës!"