Të hënën Kuvendi në seancë të jashtëzakonshme për përmbytjet,pritet vendimi i opozites për pjesmarrje

Në përgjigje të kërkesës së deputetëve të opozitës për seancë të jashtëzakonshme , u mblodh dje Konferenca e Kryetarëve, e cila vendosi që ditën e hënë, datë 18 janar 2010, ora 17.00 do të zhvillohet seancë plenare vetëm për situatën e përmbytjeve në qarkun e Shkodrës.Konferenca e Kryetarëve, pas kërkesës së deputëteve të opozitës për të pasur ditën e hënë një seancë të jashtëzakonshme për emergjencën në Shkodër vendosi që t’i përgjigjet pozitivisht. 

Kryetarja e Parlamentit Topalli e bëri të ditur lajmin në një prononcim për shtypin pas konferences së  kryetarve të grupeve parlamentare  “Opozita bëri një kërkesë, në mënyrë të veçantë deputetët e Qarkut të Shkodrës, por edhe deputetët e qarqeve të tjera dhe, konferenca vendosi t’i përgjigjet pozitivisht kësaj kërkese duke afruar seancën e parë të parashikuar për ditën e enjte, në ditën e hënë dhe të ketë në rendin e ditës vetëm çështjen e situatës së emergjencës civile në qarkun e Shkodrës” u shpreh Topalli për mediat