Mbrëmja në Big Brother-20.02.2010

Katër të nominuarit e radhës

Banorët janë ftuar një nga një në dhomën e rrëfimit për të dhënë kandidaturat për nominimet e kësaj jave. Fillimisht kanë shkuar banorët e shtëpisë së re e më pas ata të shtëpisë së vjetër ku bashkë me dy emrat, kanë dhënë edhe arsyet se përse duan që këta banorë të nominohen. Për këtë javë, në nominim janë katër banorë: Graciela, Erioni, Klodi dhe Hakiu. Nga nominimet e bërë vihet re një përballje e banorëve të vjetër me njeri-tjetrin ku një arsye kryesore ka qënë që edhe Erioni me Hakiun të provojnë nominimin si të tjerët, por edhe nga debatet e krijuara në shtëpi.

Nje e infiltruar ne shtepi

Për banorët është rezervuar një surprizë e vecantë. Ata ka ardhur t’i takojë Gjimi i cili ndodhet në një dhomë të shtëpisë e ku për të kujdeset një infermiere sensuale, pasi ai është shtrirë në një krevat sikur të ishte në spital. Banorët e shohin në monitor dhe menjëherë reagojnë që ta takojnë atë. Arbana u kujton banorëve se dhoma në të cilën ndodhet Gjimi i përngjason shumë shtëpisë ku ndodhen dhe kjo tregon se Gjimi ka qënë shumë afër tyre gjatë gjithë kohës. Banorët ngrihen në këmbë për ta gjetur se ku është, por Arbana u thotë se ai po vjen i shoqëruar nga infermjerja. Gjimi shkonnë dhomën e ndenjjes ku ndodhen banorët të cilët e presin me gëzim dhe ata përqafohen përzemërsisht. Arbana i jep mundësinë Gjimit që të sqarohet me ata banorë që dëshiron t’u thotë dicka dhe ai kthehet nga Hakiu dhe i thotë se ai nuk e kuptoi aspak lojën e tij dhe se e vetmja gjë që donte të bënte ishte ta nervozonte që të dilte nga vetja dhe i thotë gjithashtu se ai nuk manipulohet lehtë, ashtu sikurse ishte shprehur Kika. Ai sheh me banorët klipin e tij gjatë qëndrimit në shtëpi dhepara se të dalë u uron banorëve suksese dhe u thotë se i mungojnë shumë dhe se duhet të vazhdojnë lojën e tyre. Ai del në kopsht ku takohet edhe me Erionin dhe Jetmirin të cilët ndodhen në shtëpinë e vjetër. Më pas ai del, por duke lënë në shtëpi infermieren që është një banore e re, Enxhi. Banorët shohin një klip prezantues për ta njohur disi më shumë atë. Arbana i komunikon publikut një të vërtetë se Enxhi është një e infiltruar nga Vëllai i Madh dhe jo një konkurente. Ajo ka për detyrë që të zbulojë karakteret e banorëve, ndërsa Ariani shprehet se tashmë do shohim spektakël dhe shumë lojëra. Enxhi, në dhomën e rrëfimit shprehet se dëshiron që të luajë fillimisht me Seldin.

Renato në studio

Renato vjen në studio i shoqëruar nga një duartrokitje e publikut. Ai përshëndetet me Arbanën dhe fillon të diskutojë me të për ditët e qëndrimit në shtëpi dhe për arsyet e eleminimit. Ai mendon se arsyet që e kanë cuar në eleminim mund të kenë qënë keqkuptimiet nga publiku dhe banorët, fakti që është treguar paksa arrogant dhe mendjemadh, kjo sipas banorëve të tjerë pasi ai shprehet se ky nuk ishte qëllimi i tij. Arbana i thotë se publikut i ka bërë përshtypje siguria në vetvete e tij dhe ai mendon se Big Brother e sheh si një provim dhe që domosdoshmërisht duhet të shkojë i sigurt se do e marrë atë dhe sipas tij, kjo është një vlerë pozitive e jo negative sic e kanë komentuar të tjerët. Ai shprehet se ka dhënë aq sa ka mundur, ka qënë vetvetja, ka bërë debate, diskutime shaka etj. Ai shikon klipin me momentet më të bukura dhe komentet e banorëve dhe shprehet se i priste ato pasi ia kanë thënë dhe në sy. Arbana e pyet se në cilët banorë duhet të ketë besim publiku dhe ai shprehet se për të rinjtë është ende herët, ndërsa për të vjetrit mendon se po luajnë të gjithë. Ariani i thotë se atij i ka munguar komunikimi i drejtpërdrejt me banorët dhe kjo mund të jetë arsyeja pse ata s’e deshën në shtëpi, por Renato shprehet se këtë tip dhe këtë sjellje ka edhe jashtë në jetën reale.

Penalizim dhe mision sekret

Banorët gjatë kësaj jave kanë qënë të ndarë në dy shtëpi të ndarë nga një gardh dhe ata të gjithë duhet të respektonin disa rregulla strikte të vendosur nga Vëllai i Madh ku nuk duhet të kalonin gardhin e të shkëmbenin ushqime apo objekte mes tyre. Arbana u komunikon banorëve se në studio ndodhen dy zarfa: një i bardh që përmban një surprizë për ta dhe një zarf i zi i cili përmban penalizimet për ata që kanë thyer rregullat. Arbana komunikon zarfin e parë, atë të bardhin në të cilin thuhet se ata duhet t’i përgjigjen disa pyetjeve, të përkthejnë fjalinë “shkoni në shtëpinë e re” ku banorët menjëherë lumturohen dhe shkojnë me vrap drejt shtëpisë së re. Ata përqafohen me banorët e tjerë dhe menjëherë komentojnë mbi bukurinë e shtëpisë. Pas pak, Arbana komunikon edhe vendimin e zarfit të ri në të cilin Vëllai i Madh ka vendosur që Erioni dhe Jetmiri duhet të kthehen në shtëpinë e vjetër e të jetojnë vetëm të dy deri në një afat të përcaktuar nga Vëllai i Madh. Këtë vendim Arbana ia jep në dhomën e rrëfimit ku gjithashtu u jep një mision të rëndësishëm djemve. Ajo u thotë se ata duhet të zbulojnë nga një sekret për tre nga banorët e shtëpisë tjetër, por kjo gjë duhet të mbetet sekret. Atyre u pëlqen kjo ide dhe menjëherë lënë shtëpinë për të shkuar në shtëpinë e vjetër. Një tjetër dënim është përgatitja e valixheve të banorëve të tjerë nga këta dy banorë.