Albin Kurti nuk do të paraqitet as nesër në gjykatë

Lideri i Lëvizjes 'Vetëvendosje', Albin Kurti nuk do të paraqitet as nesër në Gjykatën e Qarkut, ku pritet të rifillojë seanca gjyqësore kundër tij. Aktivisti i Lëvizjes 'Vetëvendosje', Glauk Konjufca, ka deklaruar se Kurti nuk do të paraqitet në asnjë seancë, pasi e konsideron të tërë procesin si të padrejtë. Ndërkohë, Këshilli kundër procesit gjyqësor ndaj Albin Kurtit, njoftoi sot se për gjashtë ditë kanë mbledhur 76 mijë nënshkrime të qytetarëve kundër procesit gjyqësor ndaj Kurtit.
Kurti akuzohet për organizimin e një turme që "ka kryer vepër penale, për drejtimin dhe pjesëmarrjen në një grup që ka penguar personat zyrtarë në kryerjen e detyrave të tyre zyrtare, si dhe për thirrje në rezistencë me forcë ose me kërcënim të rëndë më në protestën e 10 shkurtit të vitit 2007".
"Drejtuesi i Lëvizjes “Vetëvendosje”, Albin Kurti, nuk do të paraqitet në seancën gjyqësore të 15 shkurtit të thirrur nga EULEX-i, për faktin se kjo lëvizje nuk i njeh misionet ndërkombëtare që veprojnë në Kosovë."