E shtuna në Big Brother

Tatiana, e eleminuara e radhës 
17/04/2010 22:55

Arbana fton banorët që të jenë të vëmendshëm pasi tashmë ka ardhur momenti për të mësuar se cili do të eleminohet. Katërt të nominuarit ndjehen më të emocionuar sesa më parë dhe emocionet vijojnë të rriten në cdo moment. Arbana njofton se banorët që shpëtojnë të parët janë Hakiu dhe Seldi. Dy banorët e fundit që mbeten në garë janë Mandi dhe Tatiana dhe banorja që eleminohet është Tatiana. Ajo menjëherë takohet me banorët për të shkuar në studion e Big Brother. Tatiana edhe pse e mërzitur, përpiqet të mos e shfaqë. Banori që ndjehet më keq është Hakiu i cili rri i heshtuar.
Opinionisti, Ariani shprehet se dalja e Tatianës ishte e papritur për ta dhe kjo u reflektua edhe nga reagimet e publikut. Sipas tij, dalja e Tatianës mund të ketë ardhur pikërisht nga origjina e saj, italiane dhe mundësia për të patur më pak përkrahës sa pjesa tjetër e banorëve, ky mund të quhej një disavantazh për të.

Portokallia në Big Brother 
17/04/2010 23:15

Tre aktoret e portokallisë të cilat imitojnë Bertinën, mama Valen dhe Gracielën ndodhen në dhomën e kuqe, të transformuar pikërisht si personazhet e tyre. banorët i shohin ato në monitor, por nuk e kuptojnë se cilat janë, përvec Mandit dhe Jonës. Arbana i prezanton ato si personazhet e BB të cilat po rikthehen në shtëpinë e tyre. banorja e parë, Graciela shprehet se ka disa gjëra për të sqaruar me Mirin, ndaj Arbana e fton Mirin që ta marrë atë. Ata takohen dhe Miri e con atë të njihet edhe me banorët e tjerë. Banorët qeshin me batutat e saj, njësoj si Graciela e vërtetë. Arbana thërret edhe Erionin që të shkojë të takojë Bertinën e cila ndodhet në dhomën e bardhë që ka të njëjtën pamje si ajo gjatë takimit të tyre spektaklin e kaluar. Erioni hyn menjëherë në rol dhe fillon të sillet sikur ajo është Bertina. Bertina sillet ftohtë me të, pasi ka disa sjellje të tijat që nuk i pëlqejnë. Ai e merr brenda në shtëpi që të njihet me të tjerët por edhe me shtëpinë. Kështu fillimisht ai e njeh me dhomën e gjumit, krevatin e tyre ku shtrihen për të rikujtuar ato momente. Bertina takohet edhe me banorët ku fillimisht me Mirin. Ndërkohë, Domenika shkon të takohet me mama Valen. Ajo e puth dhe e përqafon dhe qesh me batutat e saja kur imiton mama Valen e vërtetë. domenika shprehet se po cmallet njësoj sikur të ishta mamaja e saj. Edhe mama Vale shkon të takohet me banorët. Por surpriza nuk mbaron me kaq. Në studio vjen aktorja e portokallisë që imiton Arbanën. Arbana qesh me të madhe duke mos e pritur këtë surprizë. Arbana aktore imiton në cdo lëvizje Arbanën e vërtetë, duke shkaktuar shumë të qeshura mes publikut dhe banorëve. Si përfundim, Arbana aktore, merr zarfin për të shpallur të eleminuarit e shtëpisë që janë Bertina, Graciela dhe mama Vale të cilat pasi takohen me banorët, lënë shtëpinë.

Tatiana në studion e BB 
17/04/2010 23:35

Tatiana mirëpritet me një duartrokitje të fortë nga publiku. Ajo duket e kënaqur nga kjo pritje, por shprehet se u mërzit që doli, pasi si cdo konkurent, do donte që të shkonte deri në fund të kësaj aventure. Gjithsesi ajo shprehet e kënaqur që shqiptarët e duan. Për këtë eksperiencë, ajo shprehet se ndjehet e kënaqur pasi ka provuar ndjenja dhe emocione që ndryshojnë nga jeta jashtë, por fakti që qëndronin mbyllur pa patur mundësi të dilte, e mundonte pak. Sipas saj, banori më i sinqertë është Hakiu ndërsa më pak i sinqert është Seldi dhe ky mendim vjen nga disa biseda që ajo ka dëgjuar mes tij dhe Domit ku kjo e fundit i thoshte se nëse do fillonte të fliste, do ishte në disfavor për të. Këto fjalë e bënë të mendojë se Seldi nuk ishte i sinqert. Ajo shikon edhe klipin me momentet më të bukura në shtëpi dhe thashethemet e banorëve për të. në fund të klipit është Olta që mendon se ajo manipulohej nga Miri. Tatiana shprehet se ajo kishte dhe bazohej vetëm në mendimet e saja për të tjerët. Ajo thotë se këtë sjellje që pati në shtëpi, e ka edhe në jetën jashtë. Ariani, opinionisti mendon se ajo ka qënë tepër spontane dhe origjinale, ndryshe nga banorët e tjerë. Ai e pyet në lidhje me dashurinë që ka ajo si për nënën e vërtetë, ashtu edhe për familjen e ish të dashurit a është ndopak e ekzagjeruar kjo sjellje. Tatiana përgjigjet se familjen e ish të dashurit e do fort. Ai e pyet edhe nëse fakti që do të vetvendos dhe nëna e saj nuk e ka lejuar, ndërsa familja tjetër nuk ndërhyn, mund të jetë një arsye e kësaj dashurie dhe Tatiana pohon.

Të nominuarit e javës, prova e puthjeve 
17/04/2010 23:55

Banorët vijnë një nga një në dhomën e rrëfimit dhe japin kandidaturat e tyre me dy arsye të forta. Nga këto kandidatura, në nominim për këtë javë do jenë vetëm tre banorë: Jetmiri, Manali dhe Mandi.
Në përfundim të spektaklit, banorët duhet të kalojnë një tjetër provë, atë të puthjeve e cila iu dha si detyrë të mësonin katër lloje puthjesh. Fillimisht ata shohin një klip me momentet e një nate më parë kur në shtëpinë e tyre erdhën dy ish banorë të “GF” të cilët u mësuan këto teknika banorëve. Tashmë ka ardhur radha e tyre për t’i ekzekutuar këto puthje. Kështu, për puthjen eskimeze ofrohet Jona dhe Klodin të cilët e realizojnë më së miri. Puthjen kasket e realizojnë Hakiu dhe Manali, ndërsa puthjen e vjedhur, Domenika dhe Mandi. Kur duhet të ekzekutojnë puthjen french, banorët hezitojnë e pas shumë shikimeve të fokusuara tek Domi dhe Seldi e pas shumë vështrimeve mes dy të rinjve, ata pranojnë duke e realizuar atë për hatër të provës. cmimi i kësaj prove është një surprizë e cila do t’u jepet gjatë javës banorëve. Në të njëjtën kohë, një tjetër surprizë i pret në kopsht. Një darkë e mrekullueshme është shtruar për ta. Banorët të kënaqur ulen në tavolina dhe fillojnë ta shijojnë atë.