21.04.2010

21.04.2010

Incidenti dhe komente për lojën 
21/04/10 00:10
Gjatë kohës që luanin Domenika dhe Kika kishin rolin e fëmijëve më të vegjël që grinden me njëri-tjetrin dhe ngacmohen vazhdimisht. Kështu për t’a bërë sa më interesante lojën Kika e ngacmon Domenikën (vajzën e përkëdhelur) dhe banorët qeshin me lojrat e të dyve. Në një moment Domenika është duke pirë një kola dhe Kika zgjatet për t’ia marrë shishen nga dora në shenjë loje. Në atë moment Domenika kthehet me forcë duke e lagur Kikën dhe veten e saj me kola. Kika nuk reagon aty, vazhdon lojën, por jo më duke ngacmuar Domin. Pas përfundimit të lojës Domi shkon në kushinë dhe aty shkon edhe Kika. Kika e pyet për lojën dhe mënyrën se si ajo e luan rolin e një fëmije. Domenika e acaruar i thotë se ai nuk duhet t’a kishte tepruar gjatë lojës sepse ajo po pinte dhe në raste të tilla nuk mund të luash. Kika i thotë se gjithçka e bëri për të bërë sa më interesante lojën. Pasi Domi insiston duke i thënë se ishte një veprim i gabuar nga ana e Kikës, ky i fundit i kërkon falje duke i thënë se nuk kishte qëllim që t’a lëndonte, por thjesht po luante me të për hir të asaj loje që banorët kishin planifikuar. Domenika i thotë se ajo nuk do që ai t’i kërkojë falje, por këtë gjë të mos e diskutojnë më. Kika ia kthen se ai donte të sqaronte se nuk kishte kurrfarë qëllimi të keq, përveç kontekstit të lojës që po bënin dhe më pas largohet. Në kuzhinë pas largimit të Kikës vjen Klodi dhe bashkë me Domin komentojnë lojën ku vajza koplimenton luajtjen e rolit nga ana e Klodit.

Gatuajnë në mesnatë 
21/04/10 00:40
Banorët dalin jashtë dhe bisedojnë duke komentuar lojën që bënë me pjesmarrjen e të gjithëve. Pas një farë kohe banorët kërkojnë të hanë përsëri duke thënë se po ndjejnë uri. Kështu Domenika shkon brenda në kushinë dhe pasi ka marrë edhe mendimin e të tjerëve fillon të gatuajë krepa. Jashtë të tjerët bisedojnë për gjëra të përgjithshme duke shkëmbyer herë pas here batuata dhe shaka të kripura mes njëri-tjetrit. Pas Domenikës në kuzhinë shkojnë edhe banorë të tjerë për t’a ndihmuar në gatim. Seldi dhe Jona vazhdojnë të rrinë jashtë dhe Jona i tregon djalit për esperiencat e saj në Afrikën e Jugut. Kryesisht bisedat e tyre jashtë zhvillohen rreth kafshëve dhe kopsheve zoologjike ku Jona tregon se si kanë qënë kopshtet zoologjike që ajo ka vizituar gjatë qëndrimit të saj jashtë Shqipërisë

Loja “mos u nxeh”
21/04/10 01:20
Miri, Kika, Erioni dhe Manal lujnë në dhomën e gjumit, ndërsa të tjerët vazhdojnë të gatuajnë në kuzhinë. Ata luajnë lojën “mos u nxeh” dhe japin dënime për secilin që humbet lojën. Dënimet janë nga më interesantet. Ato vijojnë që nga më të mundimshmet e deri të ato më qesharaket. Kështu si një ndër dënimet më të lodhshme mund të përmenden 100 ushtimet e barkut për Kikën, dënim ky i dhënë nga Jetmiri, ndërsa një dënim qesharak mund të quhet qërimi i mollëve duke ua bërë gati fituesve për t’i ngrënë. Loja e tyre vazhdon për një kohë të gjatë mes bisedave, batutave dhe të qeshurave. Pas përfundimit të lojës ata bisedojnë për lojën në BB dhe për sjelljet e tyre. Kika shprehet i shqetësuar se po pi më shumë se çduhet cigare në ditë. Të njëjtin shqetësim shpreh edhe Jetmiri, ndërsa Erioni i këshillon që të mos e pinë më kaq shumë, kur e ndjejnë se janë duke e tepruar me cigaret.

“Qetësi e pazakonshme” 
21/04/10 02:30
Banorët e BB sonte, ndryshe nga zakonisht, vendosin që të flenë shumë më herët se netët e kaluara. Sapo dritat e dhomës së gjumit fiken, banorët fillojnë të përgatiten për të fjetur. Seldi dhe Domenika dalin jashtë të pinë cigare, ndërsa të tjerët shtrihen të flenë. Çifti diskutojnë teksa pinë cigare. Seldi i thotë Domenikës se java e kaluar i ëshë dukur shumë e gjatë pasi ata të dy ishin grindur dhe nuk flisnin me njëri-tjetrin. Domenika i thotë që të mos e kujtojë më atë që ka ndodhur dhe për më tepër të mos e diskutojnë më sepse sipas saj gjërat e kaluara nuk duhen kujtuar pasi sjellin vetëm dhimbje. Pas kësaj Domenika ndryshon temën e bisedës dhe të dy flasin për telepatitë dhe gjëra të tjera të përgjithshme. Pasi mbarojnë cigaret edhe ata shkojnë të flenë gjumë. Ndryshe nga zakonisht në dhomën e gjumit qetësia ka rënë shumë herët dhe banorët të gjithë po flenë


Top channel
English Italiano Deutsch Russian Türk Greek