22.04.2010

Zgjim i herët dhe me humor
22/04/10 10:13

Klodi zhgjohet mjaft herët në krahasim me ditët e tjera. Ai del jashtë dhe qëndron për disa minuta i vetëm duke marrë rrezet e para të diellit. Më pas ai shkon në dhomën e gjumit, vjen vërdallë për disa minuta dhe del përsëri jashtë. Banorët e tjerë vazhdojnë të flenë, ndërsa Klodi merret me punët e tij personale të mëngjesit. Teksa merret me ndonjë punë në kuzhinë ai fillon të këndojë me zë të lartë. Klodi hyn përsëri në dhomën e gjumit dhe fillon të këndojë me zë të lartë edhe aty për të zgjuar banorët e tjerë. Banorët fillojnë t’i flasin që të pushojë sepse është akoma herët që të zgjohen. Klodi shkon përsëri në kushinë dhe fillon të pastrojë. Aty vjen Erioni i vetmi që çohet nga zhurma që shkatoi ai. Të dy shkëmbejnë shaka dhe batuta me njëri-tjetrin, ndërsa Klodi vazhdon të këndojë me zë të lartë. Klodi i çon kafe Mandit në dhomën e gjumit, por Mandi i shqetësuar nga zhurma i thotë se ai nuk pi kafe pa ngrënë mëngjes. Klodi i thotë: “ua po thuaj faleminderit o dreq” dhe qesh. Pas kësaj Klodi shkon në kuzhinë dhe bashkë me Erionin fillojnë të këndojnë të dy me zë të lartë

Këngë, shaka dhe të qeshura
22/04/10 11:40

Pas Erionit në kuzhinë vjen edhe Kika i cili i thotë Klodit përse i zgjoi nga gjumi. Klodi i përgjigjet se ndyshe nga Kika ai i zgjoi me ëmbëlsi, me këngë. Të tre djemtë qeshin me përgjigjen e tij dhe fillojnë të ngacmohen me njëri-tjetrin me shaka. Ata këndojnë duke ngacmuar secilin prej tyre, duke kënduar këngë tradicionale të zonës nga ata vijnë, por edhe duke i tranformuar tekstet e tyre. Kështu mëngjesi i sotëm zhvillohet, kryesisht nën nota harmonie dhe nën një atmosferë të ngrohtë nga shakatë dhe të qeshurat. Përveç shakave, nuk mungojnë edhe diskutimet serioze ku Kika dhe Erioni ankohen për gjumin dhe më pas ata komentojnë lojën që bënë një ditë më parë. Më pas ata dalin jashtë për të shijuar ditën e bukur dhe “Vëllai i Madh” ndez muzikën dhe dritat e dhomës së gjumit ku banorët vazhdojnë të flenë ende. Pas kësaj banorët fillojnë të zgjohen një e nga një të gjithë, ndërsa ata që janë zgjuar më herët kanë dalë jashtë për të shijuar ditën e bukur dhe motin e ngrohtë.

Ngacmimet e mëngjesit
22/04/10 12:15

Klodi përgatit mëngjesin për veten, për Mandin dhe për Erionin. Ndërsa gatuan, me të në kuzhinë është edhe Mandi dhe batutat e ngacmimet mes të dyve nuk mungojë, por në sensin e shakasë. Klodi i thotë që të mos bëjë si qytetar, por Mandi e korrigjon duke thënë “tirons i vjetër” duke ironizuar Hakiun me debatin që bënë gjatë natës. Klodi vazhdon të gatuajë dhe kur përfundon, i kërkon Mnadit që të presin dhe Erionn. Mandi e ngacmon dhe i thotë se po të mos jetë Erioni, atij nuk i shkon ushqimi në vend. Klodi e kundërshton, ndërsa Mandi shkon të thërrasë Erionin duke i thënë të vijë se Klodi nuk ha dot pa të. Erioni vjen dhe thotë se i duket normale kjo gjë, ndryshe nga Mandi që ha vetëm. Me djemtë bashkohet edhe Hakiu dhe të katërt banorët fillojnë të ngacmohen, të bëjnë shaka, të qeshin dhe të flasin në ndonjë rast edhe me nënkuptim

Biseda të ndryshme
22/04/10 13:28

Domenika dhe Seldi sapo janë zgjuar nga gjumi. Ata ngrihen dhe të dy shkojnë në kuzhinë për të përgatitur mëngjesin. Seldi shkon të përshëndesë banorët në kopsht e pasi përqafon Mandin, pyet se ku është “djaloshi” për Hakiu i cili ka shkuar të flejë. Në kopsht, banorët, kryesisht Mandi me Erionin, pas një loje me top, flasin për sportin duke marrë me radhë llojet si nga futbolli, ashtu edhe për basketbollin e volejbollin. Erioni tregon për ekipin e tij dhe për ndryshimet ndërmjet lojërave. Kur me ta bashkohen vajzat, ata fillojnë të gjithë të flasin për pushimet verore. Ndërsa diskutojnë, Mandi dhe Erioni duke qeshur shprehen se tashmë duhen hequr djemtë se vajzat duhen në shtëpi. Banorët fillojnë nga batutat, ngacmimet për të kaluar sa më mirë kohën. Të gjithë rrinë në diell për të shijuar rrezet e diellit të munguara për disa ditë me radhë.