Prifti: Në Shkodër do të investohen 400 milion euro për argjinaturat

Qeveria parashikon të zbatojë një projekt me vlerë 400 milionë euro për shmangien e përmbytjeve në qarkun e Shkodrës. Sipas Ministrit të Ekonomisë, Tregtisë dhe Energjetikës, Dritan Prifti, projekti parashikon ndërtimin e argjinaturave të reja, stacionet e pompimit dhe thellimin e lumit Buna, për të zgjidhur përfundimisht problemin e përmbytjeve atje. Nga reshjet intensive të shiut në këto muaj të parë të vitit u përmbytën disa qindra hektarë tokë në zonën e Shkodrës.