27.04.2010

Përplasja e radhës mes Seldit dhe Klodit
27/04/10 21:40

Pas lojës banorët fillojnë të debatojnë me njëri-tjetrin në mënyrë të drejtpërdrejtë apo duke përdorur ironitë. Ata diskutojnë për mendimet që banorët dhanë për secilin gjatë pyetjeve të lojës. Ata diskutojnë se gjatë lojës, banorët u munduan që të kundërshtonin njëri-tjetrin duke dhënë mendime sa më negative për ata që i shohin si “armiq”. Teksa diskutojnë pjesa më e madhe e tyre thonë se më i sinqerti në lojë ishte Klodi i cili nuk përkrahu asnjërin, por dha opinionet e tij siç i mendonte. Klodi thotë se kjo lojë ishte për të parë mendimet personale të gjithësecilit dhe jo për të mbajtur anën e atij që ke më mik se të tjerët. Mendimi i tij nuk i pëlqen Seldit i cili fillon t’i flasë me tone të larta Klodit sepse ai votoi pozitivisht Jetmirin si njeri me mentalitet të hapur dhe sipas tij nuk duhet t’a bënte sepse Miri e ka mohuar. Kështu mes tyre lind një debat. Klodi i thotë: “rrofsh, por preferoj që t’i gjykojë të tjerët me një sy tjetër”. Klodi i thotë se Seldi ka mendimin e vet, por nuk ka përse të ndërhyjë në opinionet e të tjerëve. Seldi i thotë se atij i vjen keq për Klodin dhe ky i fundit i thotë se nuk ka nevojë që të shqetësohet për të dhe e falënderon për keqardhejn edhe pse nuk ka përse të ndjejë keqardhje. Seldi vazhdon të bërtasë duke gjykuar Klodin që sipas tij bëri gabim që votoi Mirin si një ndër banorët me mëndje të hapur. Duke parë reagimin agresiv të Seldit, Klodi i thotë që të merret me Domenikën dhe të kujtojë ditën e lidhjes me të sepse sot bëjnë 3 muaj bashkë. Seldi që fillimisht nuk e kupton, shkon te Domi dhe pasi e konfirmon edhe nga ajo këtë gjë harron debatin që po bënte me Klodin dhe fillon të puthë Domenikën

Debate të forta për lojën
27/04/10 22:27

Banorët ulen te kolltukët dhe fillojnë të komentojnë njëri-tjetrin për përgjigjet e njëri-tjetrit. Ata kundërshtojnë banorët të cilët votuan mendime të kundërta gjatë lojës. Kryesisht debatet zhvillohen për jetmirin dhe mëndimet që dha Erioni dhe Klodi për të duke dhënë disa vota për vlera pozitive në personin e tij. Pas një kohe të gjatë debati Jetmiri u thotë banorëve se ai vuri re që gjatë lojës banorët treguan injorancë, mungesë sinqeriteti dhe një nivel të ulët edukate. Ai kundërshtahet nga Jona dhe një pjesë thjetër e banorëve. Në debat përshihet edhe Erioni i cili fillimisht debaton me Jonën. Vajza i thotë në një moment se ai mendon pozitivisht për Jetmirin sepse e ka shok. Erionit nuk i pëlqen thënia e saj dhe duke marrë shkak edhe nga biseda që pati me Mandin thotë se një pjesë e banorëve nuk i shohin gjërat siç duhet. Kështu ai fillon të flasë në sy të të gjithëve duke thënë se ai me Jetmirin ka një mardhënie të Mirë, por nuk ndikohet nga ai dhe nuk e përkrah për gjithçka. Erioni thotë se problemi nuk është se Jetmiri është i keq dhe ata ashtu mendojnë, problemi është se çfarë ka dhënë Jetmiri për ta dhe ata për Jetmirin. Këtu ndërhyn Mandi i cili i thotë edhe një herë jetmirin se e sheh si një njeri negativ dhe këtë ka treguar në shtëpi. Jetmiri thotë se këtë e mendojnë banorët e vërtetë, por nuk është e vërtetë sepse nëse ata jashtë do t’a kishin votuar që ai të eleminohej që shumë kohë më parë sepse ai është banori më i nominuar në shtëpi. Kështu banorët tashmë kërkojnë shpjegime njëri-tjetrit për opinionet që dhanë gjatë lojës duke bërë që debatet të vazhdojnë njëri pas tjetrit për një kohë shumë të gjatë.

Përvjetori dhe propozimi 
27/04/10 23:19

Domenika organizon një surprizë për Seldin me rastin e 3-mujorit të lidhjes së tyre. Ajo ndimohet nga Klodiani dhe Eridiona. Seldin e thërrasin në dhomën e rrëfimit dhe Domenika përfiton nga mungesa e tij dhe së bashku me Jonën dhe Klodin përgatisin një atmosferë romantike jashtë duke ndezur qirinj. “Vëllai i Madh” i ka vënë në dispozicion disa tullumbace në formën e zemrës të cilat Domi i ka ludhur te varka që banorët ndërtuan me gazetën “Shqip” disa javë parë për një provë javore. Vajza hipën në varkë dhe pret që seldi të vij aty. Klodi shkon dhe merr Seldin dhe e çon te Domenika. Çifti hipin të dy në varkë për të festuar fillimisht aty njohjen e tyre, ndërsa banorët futen brenda për t’u lënë hapërirën e nevojshme të dyve. Nuk ka sesi të mungonte muzika romantike dhe vera një një festë të tillë. Ndër të tjera çifti kujtojnë momentet e para të njohjes së tyre dhe puthja e parë që kanë dhënë. Nuk mungojnë deklaratat e dashurisë kryesisht nga Seldi. Ndër të tjera ata kujtojnë edhe zënkat e tyre dhe sqarojnë edhe një herë keqkuptimet që kanë pasur duke përfshirë edhe Enxhin. Në një moment Seldi i kërkon Domenikës që të fejohet me të dhe i kërkon që ajo t’i thotë se çfarë ndjen për të. Domenika i kërkon që t’i japë pak kohë dhe se ata janë të vegjël për të marrë një hap të tillë. Më pas ata vazhdojnë të festojnë

Darka
28/04/10 00:06

Teksa çifti vazhdon të festojë jashtë, brenda banorët bisedojnë, teksa presin që darka të jetë gati. Këtë herë gatimin e ka marrë përsipër Klodi. Pas përfundimit të darkës të gjithë ulen në tavolinën e ngrënies dhe bashkë me ta vjen edhe Seldi me Domenikën. Erioni rri i mërzitur dhe Klodi i thotë që t’i dhurojë një buzëqeshje dhe të mos rrijë i heshtur. Në këtë moment ndërhyn Mandi i cili thotë: “Erioni ndoshta po pret aktin e dytë të filmit” dhe pas pyetjes së Erionit i thotë se e kishte fjalën për ngacmimet që i bëri Domenika gjatë drekës duke i folur me ironi dhe nënkuptime për një film të lozur ne shtëpinë e BB ku Erioni ishte një ndër prodakonistët kryesorë. Erioni i thotë Mandit se nuk po pret që ajo bisedë të hapet përsëri, madje as nuk ka dëshirë që të ndodh përsëri ajo bisedë. Në këtë moment ndërhyn Klodi i cili i drejtohet Mandit duke i thënë se nuk duhet që t’a ngacmojë Domenikën, të paktën vetëm për sot sepse është një ditë e shënuar për të, 3-mujori i lidhjes së saj me Seldin. Pas kësaj bisedat në tavolinën e ngrënies ndryshojnë drejtim dhe zhvillohen për të tjera çështje.