Titulli kampion bote në boks: Mbërrin në Tiranë, Ponce

Sfida e boksit mes kampionit të botës në versionin WBF në peshën e mesme, boksierit shqiptar Kreshnik Qato, dhe argjentinasit Esteban Ponce, që do të zhvillohet në 2 maj në Tirane ka nisur zyrtarisht me mbërritjen sot të boksierit argjentinas. “Besoj se sfida do të jetë e bukur dhe me rivalitet”, u shpreh Ponce me të mbërritur në Shqipëri. Boksieri durrsak me banim në Londër që nuk njeh humbje në vitet e fundit dhe ka mbrojtur disa herë titullin e fituar në versionin WBF pritet të mbërrijë sonte në mbrëmje.