Berisha në Zagreb

Në kryeqytetin kroat nis sot takimi i 19-të vjetor i BERZH (Bankës Europiane për Rindërtim dhe Zhvillim). Në këtë takim të rëndësishëm pritet të marrin pjesë mbi 2000 personalitete nga e gjithë bota, mes të cilëve dhe Kryeministri Sali Berisha. Gjatë takimit do të diskutohet mbi politikat më të fundit ekonomike dhe sociale, mundësitë e investimeve në vendet ku operon BERZH, ndërsa pritet të merren edhe vendime të rëndësishme mbi strategjitë e kësaj banke në vitet në vijim.