14.05.2010

Surprizë Jonës për ditëlindje
13/05/10 23:41

Klodi ka menduar t’i bëjë një surprizë Jonës duke qenë se ka ditëlindjen. Bashkë me djemtë, kanë marrë kashtë dhe e vendosin në kopësht duke formuar një urim për Jonën. Jetmiri dhe Erioni japin mendimin që t’i vënë zjarrin kashtës dhe kështu shkronjat do të dallohen më tepër dhe do të duket bukur.
Djemtë i thonë Domit që të mos e lërë Jonën të dalë në kopësht deri sa t’a përgatisin surprizën për të dhe i tregojnë se çfarë po bëjnë.
Më pas ata e ftojnë Jonën të dalë në kopësht dhe këndojnë këngën e urimit të ditëlindjes, ajo i falenderon dhe surprizohet që ata janë kujdesur për të. Përveç shkrimit në kopësht, ata i dhurojnë një jastëk, ku të gjithë kanë shkruar nga një frazë.
Jona shprehet se kishte dy muaj që mendonte se si do ta festonte ditëlindjen, dhe ja ku gjendet në një vend që nuk e kishte menduar fare dhe me njerëz që as nuk i njohte më parë. Më pas Erioni i tregon se dhe ai e ka festuar ditëlindjen brenda shtëpisë së BB dhe po ashtu, shumë banorë të tjerë

“1 ditë na ndan nga fundi i BB”
14/05/10 00:20

Festa surprizë që u organizua, nuk i dha mundësinë dy vajzave që të përgatiteshin e të visheshin bukur si për festë, ndaj ato shkojnë në dhomë për t’u përgatitur, kurse djemtë i presin në kopsht. Teksa qëndrojnë në shoqërinë e njeri-tjetrit, tre djemt shprehen se po u vjen keq që ky është fundi i BB. Ata mendojnë që mbrëmjen e sotme ta gdhijnë deri në mëngjes e të mos u ikë kot asnjë moment. Gjithashtu, edhe për mbrëmjen e të premtes, ata mendojnë se nuk është nevoja të qëndrojnë vetë zgjuar sepse gjumi nuk do t’i zërë nga emocionet e shumta që do kenë. Klodi tregon se dhe pak më parë me Domenikën ishin duke e diskutuar këtë gjë. Ai tregon se si atë, edhe Domin e kanë pushtuar disa ndjenja të cilat nuk duan që ata të largohen nga shtëpia. “Të mendosh, kanë ikur 4 muaj e ka ngelur vetëm 1 ditë”- thotë Miri sikur nuk do ta besojë. Erioni e përsërit pas tij dhe shton se 1 ditë i ndan nga finalja. Ai thotë se edhe 1 natë u ka mbetur e më pas do shkojnë në shtëpitë e tyre, kurse Miri thotë se do t’u mbetet vec të shohin filmimet më pas. Erioni ngacmon Klodin se ata nuk do të rrinë më të qetë pasi të dalin sepse do ftohen nëpër emisione të ndryshme. Ai tregon se emisioni i parë do jetë ai i “Fan Club” ku do të debatojnë për herë të fundit me njeri-tjetrin. Klodi ia kthen se do diskutojnë e jo do debatojnë, kurse Miri shprehet aty ka përfunduar gjithcka e nuk do kenë cfarë të thonë më për debat. Më pas, djemtë kujtojnë momentet kur kanë hyrë në këtë shtëpi. Erioni dhe Miri i tregojnë Klodit se si ka qënë momenti i tyre, kurse Klodi i tregon vecantinë e momentit të tij. Ai tregon se përgatitjet përpara hyrjes në BB kanë qënë aq të shpejta saqë nuk i dhanë kohë të mendohej se si do e prisnin banorët. Të tre djemtë shprehen se do përjetojnë emocione shumë të vecanta kudo që do jenë pasi të përfundojë BB sepse ndryshe janë mësuar këto 4 muaj me kamerat në shtëpi, por pa njerëz të tjerë, e ndryshe kur dikush do t’i intervistojë apo kur të jenë përballë një publiku të gjërë

Festa e ditëlindjes së Jonës
14/05/10 01:55

Pasi vajzat përgatiten, dalin në kopsht ku marrin komplimete për paraqitjen. Kështu, të pestë janë gati për të filluar festën. Fillimisht, të rinjtë improvizojnë sikur janë në një pub dhe sikur djemtë duan të njihen me dy vajzat. Mes tyre ka shumë batuta dhe humor. Më pas, ata kërcejnë dhe këndojnë me këngët në sfond. Muzika me ritmet e ndryshme, i ndryshon shpesh ngjyrat festës, pasi varion nga ajo e lehtë, tek muzika e fortë e duke vazhduar me populloren, një altermin i tyre i cili i vë në lëvizje banorët. Banorët duken tepër të kënaqur, vecanërisht Jona e cila shprehet se kurrë nuk e kishte menduar të festonte ditëlindjen e saj në këtë shtëpi dhe me njerëz që thuajse nuk i njeh. Festa zgjat rreth dy orë e më pas banorët shtrihen për të fjetur