Ambasadori Bosch: Shikoni interesat e vendit, mos mendoni për interesin tuaj personal

Ambasadori i OSBE-së në Shqipëri, Robert Bosch, u shpreh të premten lidhur me situatën politike në vend, ku opozita prej 14 ditësh po vijon protestat për transparencën e zgjedhjeve të 28 qershorit. "Ka një kompromis mbi tryezë dhe në emër të shumicës së ndërkombëtarëve do t’i inkurajoja udhëheqësit politike ne Shqiperi që ta kenë parasysh këtë kompromis, të tregojnë kurajo, të tregojnë se janë burra shteti. Shikoni interesat e vendit, mos mendoni së pari për interesin tuaj personal dhe bëni hapin e madh, koha është tani. Ky kompromis ka mbështetjen e BE-së, SHBA-se dhe OSBE-së”, tha Bosch.