Hapet sot pėrfundimisht tuneli i Thirrės

Hapet sot pėrfundimisht tuneli i Thirrės

Sot hapet tuneli jugor me gjatësi 5,7 kilometra ne autostradën Morin- Kukës -Durrës, qe afron ndjeshëm Kosovën me Shqipërinë. Që në oret e para mëngjesit, dhjetra mjete nga Kosova, Kukësi e Hasi kanë udhëtuar drejt tunelit per të lëvizur sa më shpejt në anën tjetër të tij. Përmes këtij tuneli parashikohet që gjatë sezonit turistik të lëvizin në 24 orë mbi 10 mijë automjete.

Ministria e Punëve Publike dhe Transportit njofton  të gjithë përdoruesit e Autostradës Durrës-Morinë,  se më datë 21.05.2010, Galeria Jugore e tunelit të Thirrës, në segmentin Rrëshen – Kalimash, vihet  përfundimisht  në shfrytëzim të trafikut publik.
 
Të gjitha punimet për strukturën mbështestëse  të Galerisë Jugor  të tunelit  të Thirrës kanë përfunduar.

 Punimet elektromekanike dhe të sistemeve të kontrollit të trafikut janë instaluar dhe  integruar plotësisht në një sistem  të kontrollit qendror që përfshin:

    ·       26 ventilator të medhenj ajërimi;

   ·       më shumë se 70 kamera CCTV;

   ·       sinjalistikën e mesazheve  variabël elektronik;

   ·       një sistem kundër zjarrit në të gjithë tunelin;

   ·       lokalizimin në mënyrë automatike të tymit dhe gazrave dhe zbulimin e incidentit;

   ·       një sistem telefonik në rast emergjence;

   ·       komunikimin me radio;

   ·       si dhe  ndriçimin normal dhe atë  të sigurisë .

 

Tuneli i Thirrës u mbyll me qëllim që ti mundësohej kompanisë ndërtuese të përfundonte  instalimin  e këtyrë paisjeve elektromekani si dhe për të  sistemuar presionin e krijuar nga një shtresë gjeologjike jo e qëndrueshme në një  segment të vogël të tunelit.

Duke filluar  nga ora 10:00 e ditës së premte, tuneli i Thirrës  do të jetë i hapur për trafikun, duke bërë të mundur  tranzitimin në të gjithë segmentin Rrëshen-Kalimash.


ShtypiDites
English Italiano Deutsch Russian Türk Greek