Miss USA shpreson që titulli i saj do t’i ndihmojë komunitetet myslimane

Miss USA më e fundit, 24 vjeçarja arabo-amerikane shpreson që titulli i saj do t’i ndihmojë komunitetet myslimane dhe të tjerët të jetojnë pa frikën e diskriminimit.

Në një intervistë që i dha sot Zërit të Amerikës, Rima Fakih, imigrante libaneze, tha se titulli i saj tregon se Amerika vazhdon të jetë toka e mundësive për të gjithë.

Zonjusha Fakih mori titullin Miss USA në përfundim të konkursit vjetor të bukurisë që u mbajt të djelën e kaluar në Los Vegas.  Mendohet që ajo të jetë arabo-amerikania dhe myslimania e parë që fiton këtë titull.

Fitorja e saj ka ngjallur shumë interes si brenda ashtu edhe jashtë vendit.  Disa konservatorë myslimanë e kanë kritikuar pjesëmarrjen e saj në konkurs, duke thënë se islamizmi e  ndalon një gjë të tillë.

Zonjusha Fakih e kundërshtuar këtë, duke thënë se konkurset e bukurisë janë shumë popullore në Liban.  Ajo i tha Zërit të Amerikës se sëbashku me familjen nuk janë të mbyllura vetëm në fenë e tyre, por respektojnë të gjitha fetë.