Shqipëria dhe Rumania, pritet të nënshkruajnë marrveshje të rëndesishme

Me ftesë të Presidentit Topi, nesër mbërrin në Shqipëri për një vizitë zyrtare njëditore, Presidenti i Republikës së Rumanisë, Trajan Basesku.
Presidenti rumun, Basesku dhe delegacioni zyrtar që e shoqëron do të priten me një ceremoni solemne në Pallatin e Brigadave nga Presidenti i Republikës. Pas takimeve të parashikuara në agjendën e dy Presidentëve, në prani të tyre pritet të nënshkruhet “Memorandumi i Mirëkuptimit në fushën e Komunikacionit dhe Informacionit të Teknologjisë”, si dhe “Protokolli i Bashkëpunimit midis Porteve”. Në vijim, dy Presidentët do të japin një konferencë të përbashkët për shtyp.
Gjatë qëndrimit të tij në Shqipëri, Presidenti rumun do të takohet dhe me Kryetarin e Këshillit të Ministrave të Shqipërisë, Sali Berisha dhe Kryetaren e Kuvendit të Shqipërisë, Jozefina Topalli. Në tjetër takim, ai me komunitetin arumun që jeton në vendin tonë, do të përmbyllë vizitën zyrtare njëditore të Presidenti rumun Basesku në Shqipëri.