Kirgiztan, shpallet gjendja e jashtëzakonshme

Qeveria kirgize vendosi sot gjendjen e jashtëzakonshme në një tjetër qytet në jug të vendit, që është përfshirë nga trazirat pas dhunës ndëretnike, që ka shkaktuar deri tani 60 të vdekur. Po sot, presidentja e përkohshme e Kirgistanit, Roza Otunbajeva, i bëri thirrje Rusisë të ofrojë një ndihmë ushtarake me qëllim dhënien fund të dhunës etnike. Ndërkaq, Moska i akordoi një ndihmë humanitare Kirgistanit, por deklaroi nuk është e gatshme të dërgojë asistencë ushtarake.