Deklarata per pavarsine e veriut te Kosoves, nuk eshte zyrtare

Autoritetet kosovare po ndjekin zhvillimet në veriun e vendit të banuar me shumicë serbe pas një deklarate që ka qarkulluar për pavarësinë e asaj zona nga pjesa tjetër e Kosovës. “E ashtuquajtura deklaratë, për të cilën është folur ditët e fundit, është prodhim i një grupi të inkriminuarish, të cilët në vazhdimësi kanë shkelur ligjet e Republikës së Kosovës”, tha zëdhënësi i qeverisë së Kosovës. Një nga udhëheqësit e Këshillit Kombëtar Serb të veriut të Kosovës, Marko Jakshiq, në një intervistë për BBC-në mohoi që deklarata të jetë lëshuar nga ndonjë institucion zyrtar në veri të Kosovës. “T’ju them të drejtën, kjo deklaratë nuk është shfaqur askund zyrtarisht. Askush nuk e di se kush është autor i krejt kësaj”, tha ai.