Arkeologji: Objektet e zbuluara në Apolloni ekspozohen në Tiranë

Objektet e zbuluara së fundi në qytetin antik të Apollonisë, mes të cilave dhe busti i një mashkulli që i përket shekullit II Pas Krishtit janë ekspozuar në Qendrën Arkeologjike në Tiranë. “Shqipëria është një vend i vogël, por me një pasuri të jashtëzakonshme”, tha Kryeministri Sali Berisha, i cili u njoh nga afër me këto zbulime. Ai vlerësoi ndër të tjera se busti i zbuluar është dëshmi e përjetësisë së kombit shqiptar, një përjetësi e bazuar në vlera të qytetërimit perëndimor. Ndër objektet e zbuluara në Apolloni, gjatë ekspedite së përbashkët shqiptaro-franceze përmendet dhe vecohet dhe këmba e një statuje.