Qindra mijëra shtetas të Maqedonisë kalojnë pushimet në Shqipëri

Interesi i pushuesve nga Maqedonia për në bregdetin shqiptar po vazhdon edhe gjatë këtij muaji. Sipas të dhënave të organeve maqedonase në kufi, mbi 300 mijë shtetas të Maqedonisë deri në mesin e muajit gusht kanë hyrë në Shqipëri vetëm për qëllime turistike. Por ky numër duhet të jetë edhe më i madh meqënëse qindra të tjerë, përmes Kosovës kalojnë nëpër autostradën e re Durrës – Kukës për në bregdetin shqiptar.