Kalkutë: Meshë solemne për Nënë Terezën

 Një meshë solemne hapi sot në Kalkutë ceremonitë përkujtimore me rastin e 100 vjetorit të lindjes së Nënë Terezës, "shenjtores së të varfërve" e cila kaloi një pjesë të madhe të jetë së saj në lagjet e qytetit të mbipopulluar të Indisë. Mesha, e kryesuar nga kardinali Telesphore Placidus Toppo nga Ranchi, u kremtua në selinë e kongregacionit të Misionareve të Bamirësisë Nënë Tereza, të themeluar në vitin 1950, vendi ku ajo u varros në vitin 1997. Një mesazh i Papa Bendiktit XVI u lexua gjatë meshës së ndjekur nga mijëra persona. Kalkuta do të inaugurojë dhe zhvillimin e një festivali ndërkombëtar filmi "Nënë Tereza", me filma dokumentarë mbi jetën e saj.