Washington: Nisin bisedimet Izraelito-Palestineze

Negociatat e drejtpërdrejta të paqes ndërmjet izraelitëve dhe palestinezëve filluan te enjten në Uashington, ku Sekretarja amerikane e Shtetit, Hilari Klinton, kryeministri izraelit Benjamin Netanjahu dhe presidenti i Autoritetit palestinez Abu Mazen dhanë deklaratat përkatëse. Klinton deklaroi se ky është një hap mjaft i rëndësishëm për paqen dhe sigurinë në rajon. Kryeministri izraelit Netanjahu theksoi se palestinezët duhet ta njohin Izraelin si kombin dhe shtetin e popullit hebre, ndërsa Abu Mazen theksoi se izraelitët duhet t'i japin fund ndërtimit të vendbanimeve të reja në tokat e pushtuara.