Faqe e parëArkivëKontaktRSS

Një zjarr i fortë pylli shpërtheu sot në rrethinat e një stacioni turistik në Athinë duke dëmtuar për momentin të paktën dy ndërtesa, njoftuan zjarrfikësit. 
I shtyrë nga erëra me shpejtësi 50 kilometra në orë, zjarri shpërtheu në orët e para të pasdites në një pishnajë që qëndron mbi Kalamos, në gjirin Eube, rreth 60 kilometra në verilindje të Athinës, një lokalitet që ka kryesisht banesa të dyta. 
Gjashtë avionë, tre helikopterë dhe 26 automjete me më shumë se 100 vetë u dërguan në vendngjarje për të vënë zjarrin nën kontroll. 
Mbrojtja Civile botoi dje një komunikatë ku u kërkonte qytetarëve të jenë vigjilentë përsa u përket rreziqeve nga zjarret, për arsye të erërave të forta që parashikohen këtë fundjavë. 
Pothuaj çdo vit, Greqia përfshihet nga flakët, ku më shkatërrimtaret u regjistruan vitin e kaluar me 77 të vdekur dhe djegien e më shumë se 270.000 hektarë pyje dhe të mbjella veçanërisht në Peloponez.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim