Faqe e parëArkivëKontaktRSS

Turqia edhe një herë është treguar e vendosur deri në fund, duke shënuar një fitore dramatike në penalti ndaj Kroacisë, pasi që ndeshja dhe vazhdimi përfunduan me barazim, duke siguruar kështu vend në gjysmëfinale të Euro 2008, ku do të ndeshet me Gjermaninë.

Turqia fitoi në rrethana edhe më befasuese se sa në fitoren ndaj Republikës Çeke të luajtur në fazën e grupeve, duke arritur të barazojë kësaj here në minutën e fundit të kohës shtesë, dhe për të shënuar më pastaj fitore në penalti.

Pas 90 minutave lojë, ndeshja e dytë çerekfinale përfundoi pa gola, që çoi në kohë shtesë.

Një minutë para fundit të vazhdimeve (119'), Kroacia arriti tek goli i avantazhit me anë të Ivan Klasnic, dhe sapo kroatët filluan të festojnë kualifikimin, vetëm pas disa minutave, në çastet e fundit të ndeshjes turqit barazuan me anë të Semih Senturk, gol që çoi në gjuajtjen e penaltive (120'+2').

Në njëmbëdhjetëmetërsha turqit ishin më të saktë, dhe arritën të triumfojnë me rezultat 3-1, derisa kroatët dështuan tri herë, së pari me anë të Luka Modric dhe Ivan Rakitic (që nuk gjetën portën) dhe pastaj me Mladen Petric, gjuajtja e të cilët u mbrojt nga portieri Rustu Recber. I vetmi që shënoi penaltinë për kroatët ishte Darijo Srna, derisa për turqit penalti shënuan Arda Tura, Semih Senturk dhe Hamit Altintop.

Kualifikimi për në gjysmëfinale i turqve, ua siguron përballjen me gjysmëfinalistin tjetër të Euro 2008, Gjermaninë. Gjysmëfinalja e dytë do të përcaktohet në dy ditët në vijim, nga ndeshjet Holandë – Rusi dhe Spanjë – Itali.

(Telegrafi)

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim