Faqe e parëArkivëKontaktRSS

Rusia ka bërë befasinë më të madhe në çerekfinale të kampionatit evropian, duke shënuar fitore në vazhdime dhe duke eliminuar nga gara e mëtejme kombëtaren favorite, Holandën.

Kombëtarja ruse filloi ndeshjen me mjaft entuziazëm, duke dominuar në pjesën e parë. Edhe fillimi i pjesës së dytë ishte në favor të rusëve, që arritën tek goli i avantazhit me anë të Roman Pavlyuchenkos, pas 56 minutash lojë.

Holanda filloi të sulmojë në fund të ndeshjes, që edhe iu shpërblye në minutat e fundit të saj, duke barazuar me anë të golit të shënuar nga Ruud van Nistelrooy (86’), që çoi në lojë shtesë.

Por, rusët u treguan të vendosur dhe të pathyeshëm duke shënuar dy herë në vazhdimet e lojës, së pari me anë të Dmitri Torbinski (112’) dhe pastaj me anë të Andrei Arshavin (116’).

Me këtë fitore Rusia hyn në katër kombëtaret më të mira evropiane, dhe në çerekfinale do të takohet me fituesin e ndeshjes Spanjë-Itali.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim